Caitaani Mutharaba-ini book by Ngugi wa Thiong'o

Caitani Mutharaba-ini ni rugano rwa eendi bururi ana. Wariinga mwana mwende, aari muiritu wanyamariitio ma ni arugamiriri a thukumu. Wangari aari mutumia murimi-munyinyi, ngatha ya bururi, no oonire na kanua riaria aathiire gwetha wira Nairobi, ndari giikaro ni guthuumburwo ni ndoonga. Muturi naake aari muruti wa wira muugi ma, watuire aruagira hinya na thithino ya aruti a wira. Naake Gatui ria aari mwanake muthoomu weendete muno miikarire ya muingi. Oothe maakuiitwo ni matatu ya muitu weetagwo Mwauraandu wandikitwo ni ndoonga kunyamaria muingi, meerekeire ya Ilmorog kwiyoonera macindano ma uici na utuunyani wa kiriu.

Nguruunga nene muci wa Ilmorog. Aici na atuunyani a kiriu maruruunganite guthuura njoorua mugwanja cia uici na utuunyani, ihuumbwo thuumbi ya uici, ituuwo arugamiriri a thukumu bururi-ini. Gitutu wa Gataanguru, Kihaahu wa Gatheeca, Nditika wa Nguunji na Kimeendeeri wa Kanyuanjii meeganaga uri meekunyariira aruti a wira na arimi-anyinyi, no Mwireri wa Mukiraai eendaga gwaka ngwatairo numu ya ndoonga cia bururi... Riria uira wambiriirie kuira uira, kiriindi kia Ilmorog na ituungati ingi cia bururi ikiyuumiria...

Rugano ruuru ni rwa hinya na uugi. Ruugutuma utheke, urire na wiciirie. Rugano ruuru rugereetie kwonania uria muingi uuingihota kuingata Caitani ndagacooke iherithirio ria kiriindi guu thi...